رواية خادمة بموافقه أبي بقلم أماني سيد

امشى خالص 
هتروحى فين 
كان فى شقه اجرتها قبل ما اسافر هرجعلها تانى وادور على شغل وابدأ من جديد
وتهدى كل اللى بنتيه فى لحظه ترمى تعبك من اول مواجهه قبلتك هتنسحبى يا شيماء 
يا خساره يا شمياء كنت فاكر إنك اقوى من كده والشغل علمك لكن واضح إنك هتفضلى طول عمرك ضعيفه وأى شغل هتشتغليه من أول مشكله هتسيبيه وتمشى 
عموما انتى حره انا مش هحارب عشان واحدة سلبيه زيك عن اذنك انا ماشى وشكرا على الفتره الحلوه اللى عشناها سوا
شعرت شيماء بداخلها بخجل من حديث عدى فهو محق هل ستترك كل عمل عندما يقابلها به مشكله والواقع أن لا عمل او حياه بدون مشاكل 
تركها عدى تفكر وتحرك من امامها فى اتجاه الباب ببطئ منتظر أن يرى تأثير حديثه عليها
نظرت شيماء علي عدى وقامت تركض خلفه 
عدى استنى 
عايزه ايه
انا هروح معاك
فين 
الفيلا 
مش فاهم
مش بابا هيخرج من المستشفى يروح الفيلا
أه 
انا هروح اعيش معاكم هناك 
ناويه على ايه
ناويه أفرض نفسى عليه 
إزاى 
هاجى اعيش معاكوا فى الفيلا خليه يطردنى بقى 
يلا بينا عشان منتأخرش وكل حاجه هتيجى بوقتها 
يلا بينا وربنا يستر 
اثناء ذهاب عدى وشيماء للمنزل قامت نادين بالاتصال بعدى للاطمئنان على شيماء 
الو عدى 
ايه يا نادين 
انت مع شيماء 
اه وهنطلع على الفيلا دلوقتي شيماء قررت تعيش معانا 
بجد ده خبر حلو اوى 
تحدثت شبماء بسخريه 
بس مش الكل هيرحب بيه يا شيماء 
بكره كل حاجه تتغير يا شيمو ماتقلقيش فى ضهرك يا كبير 
هنشوف هتقفى جمبى ولا هتبعينى من أول قلم 
هبيع من أول قلم طبعا 
صحيح يا عدى بابا هيخرج دلوقتي من المستشفى وهيروح البيت 
حمد الله على السلامه احنا هنسبقك على هناك 
تمام يلا باى 
ذهب عدى برفقه شيماء لمنزلها اولا لتجلب اشيائها المهمه ثم ذهب بعد ذلك على الفيلا وظلوا جالسين فى الصالون منتظرين وصول ابيهم 
وصل ناجى ومعه يعقوب ونادين وسماح 
دلفوا للمنزل وجدوا عدى و شيماء جالسين في انتظارهم 
عندما رأت شيماء والدها قامت وتوجهت اليه وذهبت اليه وضمته 
حمد الله على السلامه نورت بيتك 
نظر لها ناجى پغضب 
انتى ايه اللى جابك هنا 
منا عرفت
انك خرجت من المستشفى وقولت انك محتاج حد يخدمك ويشوف طلباتك عشان كده انا جيت عشان اخدمك 
مش عايز منك حاجه مش عايز أشوفك قصادى انتى فاهمه 
شكلك مش محتاج حاجه دلوقتي تمام عن اذنك عشان اروح على الشغل 
ثم نظرت لنادين 
لو مش عايزه تيجى انهارده يا نادوا وتأجزى براحتك باااى 
ثم تركتهم وذهبت لعملها 
جلس ناجى على اقرب كرسى ينظر فى أثرها 
لا يعلم ما بداخله يريد رؤيتها ولكن يرفض وجودها يخشى أن تكون كوالدتها
نظر ناجى لأبنائه يستعلم منه عن ما حدث خلال الخمس سنوات السابقه 
ظلوا يقصون له ما تم فى المنزل وفى الشركه وعن تقسيمه لامواله لأبنائه وقصت له نادين عن مشروعها مع شيماء
كل ده حصل وانا في ٦ شهور وانا نايم 
أه بص يا بابا الفلوس بتاعتك انا مصرفتهاش كلها انا صرفت منها جزء وممكن اردلك اللى اتبقى معايا 
وافقها عدى الرأى واكمل هو الحديث 
وانا كمان يا بابا ممكن اتنازلك مره تانيه عن الشركه ونرجع زى الاول 
استكملت سماح حديث عدى 
فعلا يا ناجى الفلوس انا مش بعمل بيها حاجه بكره هروح البنك واحولهالك كلها
اوقفهم ناحى قبل أن يكملوا حديث 
اهدوا اهدوا انا مش عايز حاجه انا عايز اشوفكم ناجحين واللى اتبقى عندى يكفينى انا مش محتاج حاجه وانت يا عدى تبعتلى نسبتى من الارباح على حسابى فى البنك إنما انا عايز ارتاح بصراحه خاسس انى مش هقدر اشتغل تانى انا عايز ارتاح واجوزكم واشيل عيالكم 
ربنا يديك الصحه يا عمى 
تحدث عدى مستفسرا عن وضع شيماء 
صحيح يا بابا دلوقتي الناس كلها عرفت إن شيماء اختنا ولازم تعيش معانا عشان خاطرنا حاول تتقبل الوضع 
انتى موافقه على كلامهم ده يا سماح عيالك بيلعبوا پالنار
انت لما جبتها هنا أنا الاول كنت معترضه نهائى ورفضه وجودها وهى فضلت هنا فتره وخلناها تشتغل خدامه والبنت تقبلت الوضع واضح انها مالهاش غيرنا ولما دخلت الغيبوبه انا كنت خاېفه انها تعمل زى مامتها زمان والفرصه جتلها أكتر من مره لكن واضح انها
طيبه اديها فرصه وشوف مش هنخسر حاجه ما ياما دقت على الراس طبول 
وانت يا يعقوب رأيك ايه 
فى الأول والآخر دى بنت عمى واخت اخواتى الاول تقبلت الوضع وانا مضطر لكن بعد كده اعتبرتها اختى أه صعب انسى الماضى لكن خلاص ده أمر واقع ولازم نتقبله وخصوصا بعد ما الناس عرفت انها اخت عدى ونادين 
طيب هسيبها تقعد بس مش عايز اشوفها 
ربنا يسهل 
سعدت نادين وعظى كثيرا بموافقه ابيهم على وجود شيماء ثم استاذنت شيماء ولحقت بشيماء فى العمل واخبرتها أن والدها تقبل وجودها 
لم تصدقها سماح فى بادئ الأمر ولكنها قررت أن تكمل حياتها فعدى محق 
لو تركت كل شئ وذهبت صعب عليها
البدئ من جديد وسيظن الناس بعد ذلك فى نسبها بالسوء عليها أن تصيح اقوى وتحارب لتعيش عيشه كريمه 
ظلوا يتحدثون بعد ذلك عن العمل 
بقولك ايه يا نادين إحنا دلوقتي بنجيب الحاجه من تجار بيعلوا علينا السعر عشان المكان ايه رأيك لو جبناها من المصنع نفسه 
فكره حلوه بس انا معرفش حد 
انا بقى فى واحده كلمتنى وعندها حد من قرايبها عنده مصنع وشركه لاستيراد كل مستلزمات التجميل ممكن نقابلهم ونعاين المنتجات دى ولو حلوه نجبها بسعر حلو ونعمل عروض للزباين 
منها هنوفر ومنها هنكسب زباين اكتر بسبب العروض 
فكره حلوه اوي اوي 
خلاص انا هتصل بيها واخليها تحدد المعاد 
وبالفعل تواصلت شيماء مع تلك المرأة وقامت المرأة بتحديد موعد فى اليوم التالى
انتهت نادين وشيماء من العمل وعادوا لمنزلهم لتناول العشاء 
كان ناجى يجلس على رأس الطاوله وبجانبه سماح وفى الجهه الاخرى يعقوب وبجانبه عدى جلست نادين بجانب والدتها وجبست شيماء بجانبها 
لم ينظر ناجى لها بشكل مباشر كان ېختلس النظر اليها من وقت لآخر وهى تعمدت تجاهله وتحدثت مع عدى
اثناء الطعام ظل عدى يسألها عن انواع الكعام التى تفضلها والتى لا تحبها وهى كانت تجاوب
تصدقى يا شيما بابا برضو مش بيحب نفس الأصناف دى وبيحب الاكل بنفس الطريقة اللى انتى بتقوليها دى 
سماح فعلا يا عدى ناجى دايما مغلبنى معاه فى الاكل زمان كان لازم اعمله هو صنف مختلف عن الأصناف بتوعنا 
ظل ناجى يتابع حديثهم وهناك ابتسامة بسيطه استطاع أن يخفيها هى تشبهه حقا اكثر ما تشبهه والدتها ليتها لم تكن بنت شوق كانت ستصبح الأقرب لقلبه هى طيبه من داخلها وعنيده 
ظل صراع يدور داخله بين قلبه الذى يريدها وعقله الذى يريد ابعادها عنه 
ظلوا يتحدثون وكانت شيماء من وقت لاخر تنكش والدها فى الحديث الذى يظهر امتعاضه مما يجعلها تضحك على وجهه وهو غاضب 
إذا لم يتقبلها ستغضبه وتأخذ حقها وستظل هكذا إلى أن يتقبلها فالطالما صمتت كثيرا وذات الصمت النفور بينهم لعل الحديث والمشاكسات يكون لها رأى اخر
انتهى اليوم وصعد الجميع لغرفته حتى يرتاح
فى اليوم التالى ذهبت شيماء للنادى لمقابله تلك العملية التى ستعرفها على ذلك الموزع 
وأثناء جلوسها أتى عليهم شاب طويل عندما ذهب اليهم حجب عنهم الضوء نظرت شيماء وعميلتها عليهم ثم قامت بتعريفهم 
أهلا أهلا استاذ ثائر 
اتغضلى دى آنسه شيماء اللى كلمتك عنها امبارح 
اماء لها ثائر رأسه بترحاب وبادلته شيماء الترحاب ثم جلسوا جميعا وظلوا يتحدثون عن العمل والأسعار والكميات وتمت الصفقه بينهم 
فى الشركة عند يعقوب كان يجلس يباشر عمله وأثناء مباشره عمله دلفت اليه فتاه وعندما رأها يعقوب قام بإبتسامه لاستقابلها 
ياترى مين تلك الفتاه
ج
فى مكتب يعقوب كان يجلس يباشر عمله دلفت اليه فتاه جميله وعلى وجهها ابتسامه رقيقه دخلت دون طرق الباب
اقدر ادخل 
نظر يعقوب للصوت واتسعت ابتسامته وقام للترحيب بها 
اسيل مش معقول حمد الله على السلامه جيتى من السفر امته 
من ساعه تقريبا حطيت شنطتى عندكم فى الفيلا وجيتلك على طول انت عامل ايه واخبارك ايه 
أنا كويس الحمد لله تصدقى جيتى فى وقتك 
انا ما صدقت عمى ناحى فاق قولت لازم اجى اطمن عليه بنفسى وديت شنطتى الفيلا واطمنت عليه وقعدت معاه شويه وبعدين سيبته يرتاح وجتلك ده خط سيرى من ساعه ما جيت من السفر 
نورتى مصر كلها يارب المره دى تستقرى هنا بقى 
هقعد هنا لمين هناك بابا 
وطول الوقت هو مشغول 
تحدث اسيل بتنهيده 
هنا وحده وهناك وحده 
لا هنا هتبقى وسطنا ومعانا 
هشوف ربنا يسهل على فكره فتون كلمتنى
خير عايزه ايه 
بتقولى اصالحكم على بعض وترجعوا تانى 
ضحك يعقوب بصوت عالى فبعد خساره والدها لاخر صفقه وكانت لصالح شركه عدى وهم علموا وضعهم داخل السوق وحاولت فتون أكثر من مره العوده له بشكل غير مباشر لكنه اغلق موضوعها 
وانتى رأيك ايه 
بصراحه 
انا مبسوطه إنك سبتها 
ليه 
مش شبهك هالص يا يعقوب ومتصنعه كده لا محبتهاش خالص 
لو كلمتك تانى قوللها يعقوب ارتبط
تحدثت اسيل بتقضيبه بين حاجبيها وتوجس أن يكون ارتبط مره اخرى فهى عند ارتباطه بفتون لم تستطع البقاء وسافرت مع والدها 
قوللها كده بس عشان تحل عنى 
حاضر مش هنتغدى بقى انا جايه من اخر الدنيا جعانه 
مش هتبطلى فجعه طيب مثلى قدامى انك رقيقه طيب 
حاضر أكل وبعدين أمثل 
مش هتتغيرى يلا بينا 
ثم اخذها وخرجوا سويا لتناول الطعام في أحد المطاعم
فى الجهه الأخرى كان ثائر يجلس داخل مكتبه ولم تفارق شيماء مخيلته ظل يتزكر حديثها العفوى معه تاره تتحدث بشكل شعبى وتاره أخرى تتحدث بشكل راقى من هى هل هى فتاه عصاميه ام ولدت وبفمها ملعقه دهب 
لكن الواضح من حديثها وخبرتها أنها لم تولد وبفمها تلك الملعقه فهى كانت تفاصله وتأتى له بأسعار برندات اخرى شعبيه واخرى عالميه من تلك الفتاه التى لديها عالمان وهى تنتمى لأى عالم منهم 
اتصل ثائر على قريبته التى عرفته على شيماء وظل يسألها بشكل غير مباشر وأرسل أحد رجاله للسؤال عليها لمعرفه حقيقتها
وقام بالتوصيه على الطلبيه التى سوف يرسلها إليها وراقب بنفسه تجهيزها
فى البيوتى سنتر كانت نادين تجلس برفقه شيماء ويتناقشون فى أمور عامه إلى أن سألت شيماء نادين عن حياتها الشخصية 
نادو هو انتى مش مرتبطه
للأسف لا
معقول واحده زى القمر زيك كده تكون مش مرتبطه 
طيب ولا فى حد كده ولا كده 
بصراحه يا شيماء انا
بحب واحد من طرف واحد وللاسف مش شايفه غيره وللأسف برضوا هو مش شايفنى أصلا 
معقول يا نادين انتى حلوه وجميله وطيبه وأى حد يتعامل معاكى يحبك
أنا عايزاه هو مش عايزه أى حد محدش مالى عينى غيره 
ومين هو الشخص ده 
أنس صاحب يعقوب وبيشتغل معانا في الشركه 
طيب مايمكن هو بيحبك بس خاېف يتكلم تكونى مش بتبادليه المشاعر او خاېف اخوكى يعترض 
مش عارفه بصراحه ومش عارفه أعمل إيه 
وضع صعب حقيقى بس لو فكرنا أكيد هنلاقى حل
طيب وانتى يا شيماء 
أنا ايه 
مش مرتبطه 
ضحكت شيماء بأسى 
ارتبطت بمين يا نادين