عشق لا ينتهى بقلم منال عباس

عشق لا ينتهى بقلم منال عباس 
البارت الاول
أمام الكليه الحربيه وبالتحديد امام بوابه 7 كان موعد انتظارى لكشف الهيئه 
فؤاد احنا وصلنا بدرى اوووى يا عشق الفجر بيأذن هدخل اصلى يا بنتى الفجر وانتى اقعدى هنا اوعى تروحى شمال ولا يمين انتى فاهمه يا عشق أهل البندر غيرنا يا بنتى وانتى ملابسك دى ملفته مش هينفع تدخلى المسجد بالمنظر دا 
عشق باحراج حاضر يا عمى واسفه على ملابسي بس انت عارف النهارده كشف الهيئه ونفسي اتقبل 
فؤاد ربنا يقدم اللى فيه الخير 
يدخل فؤاد المسجد لأداء صلاة الفجر 
تجلس عشق كانت ترتدى جيب أسود فوق الركبه وشيميز ابيض كانت رائعه الجمال 
اعرفكم بعشق
عشق فتاة تبلغ 18 عام حلم حياتها أن تصبح ضابط بالكليه الحربيه تقدمت إلى التمريض الحړبي حتى تتمكن من الحصول على رتبه ضابط 
ذات الشعر البنى الفاتح يميل للاصفرار بيضاء البشرة ذو غمازات تزيدها جمالا والعيون الملونه بلون صعب تحديده مما يزيدها جمالا طويله القامه وممشوقه القوام 
عشق فى نفسها منك لله يا حبيبه الجيبه قصيرة أوووى انا قولت ليكى استلف منك ملابس استايل 
بس مش بالشكل دا 
جلست وهى تشد الجيب للاسفل ف سيقانها تبدو رائعتان 
جلست عشق تبكى وټلعن تلك الملابس التى وضعتها فى هذا الموقف
حضر عمها فؤاد بعد أن انتهى من أداء صلاة الفجر 
فؤاد مالك يا عشق انتى بتعيطى حد ضايقك يا بنتى 
عشق وهى تدارى دموعها لا يا عمى بس عينى اتطرفت 
فؤاد طب خودى المنديل دا وامسحى عيونك 
عشق شكرا 
خلع الشال حول رقبته 
فؤاد خودى يا عشق حطى الشال على رجليكى عمرى ما شوفتك لابسه كدا يا عشق 
عشق عندك حق يا عمى دى غلطه ومش هتتكرر
فؤاد ربنا يحفظك يا بنتى نفسي اطمن عليكى قبل ما اموت 
عشق ربنا يخليك ليا يا عمى انا ماليش حد غيرك بعد ربنا 
فؤاد كبرتى يا عشق نفسي اشوفك فى فستان فرحك واوصلك بايديا لبيت عدلك يا بنتى 
ووضع يده على قلبه فهو مريض قلب ولكن عشق لا تعرف 
يمر الوقت وتفتح البوابه لدخول كل الطالبات المتقدمه إلى كشف الهيئه 
تترك عشق عمها بالخارج لتدخل مقر الكلية الحړبية
يبدأ الضابط بمناداة الاسماء ليقفوا جميعا فى طابور بحسب ترتيب أسمائهم 
تشعر عشق بالقلق وتدعوا الله أن تقبل فهذا أملها في الحياة تريد أن تكون قويه ولها وضعها وهذا أملها الوحيد 
يمر الوقت ويأتى دورها 
لينادى الضابط على اسمها عشق احمد السيد 
عشق افندم 
الضابط اتفضلى دورك 
تمشي عشق بثبات فى طرقه طويله مليئه بالمرايات والكاميرات 
تصل إلى المكان المحدد 
وقفت بثبات يتبع 
عشق لاينتهى
بقلم منال عباس
عشق لا ينتهى بقلم منال عباس
البارت الثانى 
كانت عشق تجاوب بذكاء كل الأسئلة الموجهه إليها دون النظر إلى من يسألها 
فعلاماتها فى جميع الاختبارات السابقه مرتفعه وباقى لها هذا الاختبار الذى يحدد مصيرها كانت تجاوب بكل ثقه حتى سمعت صوت ليس بغريب عليها يسألها 
ايه هدفك من دخولك كليه عسكريه فى حين مجموعك فى الثانويه العامه يدخلك كليه من كليات القمه رفعت راسها قليلا باتجاه هذا الصوت أنه هو فعلا نفس الشخص 
اخذت نفس عميق واجابت 
دا حلم حياتى والدى الله يرحمه كان ضابط بالكليه الحربيه توفى وهو عقيد وحلم حياتى اكمل واكون زيه دا غير أن التمريض العسكرى بالنسبه ليا من كليات القمه 
ابتسم فى نفسه هذا الشخص ماكرة مخادعه بس هتروحى منى فين 
انتهت الاسئله وخرجت عشق 
ذهبت لعمها
فؤاد هه عملتى ايه يا عشق 
عشق الحمد لله جاوبت كل الاسئله 
والنتيجه لسه بعد اسبوع
فؤاد
خير ان شاء الله تحبي نسافر البلد ولا نروح على بيتك اللى هنا نقعد فيه الفترة دى على ما النتيجه تظهر 
عشق باستغراب البيت اول مرة من وقت ما بابا توفى تقولى نروح البيت دا مقفول من ۏفاة بابا وأنا كنت وقتها لسه طفله 
حتى فى الاختبارات اللى فاتت ما روحناش ولا مرة 
فؤاد كل شئ ليه أوانه يا عشق بس انا تعبان شويه مش هقدر اسافر 
عشق مالك يا عمى حاسس بايه بعد الشړ 
فؤاد اطمنى يا عشق إجهاد بس 
عشق خلاص يا عمى نروح الشقه 
أوقف فؤاد تاكسي وأعطاه العنوان 
وصلوا إلى العنوان فكان عبارة عن بيت من دورين وكأنه فيلا صغيرة ذو حديقه صغيرة ولكنها ذابله والأشجار طويله وكثيفه بها وكأنها غابه 
بدأت عشق تستعيد ذكريات الطفوله لها فى هذا المنزل كم كانت تحب تلك الجنينه 
فؤاد من بكرة هجيب حد ينضف البيت والجنينه 
عشق أن شاء الله 
دخلوا إلى الفيلا فكانت مليئه بالاتربه 
عشق احنا هنقعد هنا ازاى المكان كله تراب وكمان انا مش معايا ملابس 
فؤاد معلش يا عشق استحملى بس النهارده تعالى نخرج نتغدى برا وبالمرة تشترى شويه ملابس 
عشق اللى تشوفه يا عمى 
خرجوا إلى أحد المطاعم 
جميع الحاضرين ينظرون إليها بملابسها تلك مع جمالها الطبيعي كانت تبدو رائعه 
جلسوا على المائده وطلبوا الطعام 
بدأ فؤاد يشعر پألم فى قلبه وضع يده على قلبه من شده الالم 
عشق پخوف مالك يا عمى حاسس بايه 
وقامت واقتربت منه وامسكت بيده 
على دخول ذلك الضابط 
قاسم شاب يبلغ من العمر 30 عام حاد الطباع ارمل ولديه ابنه عمرها 5 سنوات وتعيش معه طويل القامه قمحى اللون ذو عضلات وجسم رياضى يعمل برتبه نقيب بالكليه الحربيه متفوق في عمله حيث كان الأول على دفعته فى الكليه 
نظر لها قاسم بعيون حادة 
قاسم فى نفسها وانا اللى فكرت نفسي انى ظلمتك 
عمى تحب نمشي ونروح اى مستشفى 
فؤاد
لا يا حبيبتي بس على ما الأكل يجى خودى الفلوس دى وهات ليا العلاج اللى فى الورقه دى فى صيدليه جنب المطعم انا شوفتها وانا داخل 
عشق حاضر يا حبيبي 
وأخذت منه المال وخرجت 
قاسم عرفت تقلب الراجل الكبير في فلوسه وجلس متضايق من تلك الفتاة 
طلب الطعام وأخذه وخرج فلا يريد أن يجلس بهذا المكان بعد أن رآها 
اشترت عشق العلاج لعمها ودخلت 
فؤاد شكرا يا عشق تعبتك 
عشق ما تقولش كدا يا عمى انا اللى ديما تلعبه حضرتك من يوم ۏفاة بابا وحضرتك ما قصرتش معايا فى اى حاجه 
وصل الويتر بالطعام تناولوا غداءهم 
فؤاد يلا نروح نشترى الملابس ليكى 
عشق لا يا عمى حضرتك تعبان ما تقلقش انا هروح اشترى من اى مول وارجع على البيت بسرعه 
فؤاد بس انتى ما تعرفيش اى اماكن هنا انتى سيبتى هنا من وانتى طفله اخاڤ عليكى يا بنتى
عشق اطمن يا عمى ثم انى لو ما قابلتش فى التمريض العسكرى فأنا قدمت فى كليه الحقوق جامعه القاهره وكدا كدا لازم اتعود أن اعتمد شويه على نفسي 
فؤاد ماشي يا حبيبتى المهم ما تتأخريش وخلى بالك من نفسك واعطاها مبلغ كبير من المال وطلب لها تاكسي للذهاب للمول 
وغادر هو بتاكسي اخر إلى المنزل
بعد مده وصلت عشق إلى أحد المولات 
بدأت تتجول وتختار ما يناسبها من ملابس 
بعد مضى أكثر من ساعتين وشراء الملابس والاكسسوارات استبدلت ملابسها داخل المول 
عشق فى نفسها اخيرا غيرت الملابس الملعونه دى حسابك معايا يا حبيبه لما ارجع وفى طريقها للخروج وجدت طفله تبكى 
ذهبت اليها عشق 
عشق مالك حبيبتى بتعيطى ليه 
الطفله مش عارفه دولى راحت فين وبدور عليها 
عشق طيب أهدى اكيد دولى هى كمان بتدور عليكى انتى اسمك ايه 
الطفله لمى 
عشق الله اسمك جميل اوووى يا لمى تعالى نروح ندور على دولى 
وأخذت الطفله من يدها وبدأت بالبحث مع الطفله 
دولى فتاة جميله تبلغ من العمر 18 عام اسمها دلال ولكنها ترفض أن يلقبها أحد ب دلال وتفضل اسم دولى 
دولى الو ايوا يا قاسم انت فين 
قاسم مالك يا دولى فيكى ايه 
دولى پخوف لمى كانت معايا دخلت اقيس الملابس فى البروفا خرجت ملقتهاش 
قاسم انتى بتقولى ايه انتى فى اى مكان انطقى 
أعطته دولى العنوان 
قاسم انا قريب منك دقائق وهكون عندك 
ذهب بسرعه قاسم كالمچنون على ابنته خوفا من فقدانها يكفيه فقدان والدتها 
وصل قاسم واتصل على دولى 
دولى انا قصادك اهو 
قاسم پغضب احكيلى كنتى فين بالضبط
شاورت له على المحل لتجد لمى مع فتاة غريبه يدخلون المحل 
دولى لمى اهه شوفتها داخله المحل 
وجرى الاثنين الى المحل 
عشق تسأل الكاشير 
لو سمحت ما شوفتش واحده كانت مع البنت دى 
بتقول كانوا بيشتروا من هنا 
الكاشير الحقيقه ما اخدتش بالى
دخل قاسم بسرعه وجذب لمى من يدها 
لمى بفرحه
بابي 
نظر قاسم
الى تلك الفتاة ليجدها عشق 
قاسم انتى يتبع 
عشق لا ينتهى 
بقلم منال عباس
عشق لا ينتهى بقلم منال عباس
البارت الثالث
قاسم بعصبيه كنتى خاطفه بنتى ورايحه بيها على فين انا هوديكى فى داهيه 
عشق أنت اللى اب مهمل ازاى تسيب طفله زى دى لوحدها انت والهانم اللى معاك البنت كانت بټعيط 
قاسم انتى هتحكيلى قصه حياتك 
عشق واضح أن مفيش فايده من الكلام وهمت أن تغادر ولكن لمى أمسكت يدها 
لمى خليكى معايا يا طنط 
كانت دولى واقفه خائفه من قاسم واكتفت بالسكوت
عشق بابتسامه مرة تانيه يا حبيبتي وخرجت 
قاسم
پغضب والله حسابك يا عشق تقل معايا اووووى 
استقلت عشق تاكسي للعودة لمنزلها 
دخلت عشق وجدت المكان ملئ بالخدم والجميع ينظف المكان 
استقبلها فؤاد بحب 
فؤاد حبيبتى الجميله وصلت حمدالله على السلامه 
عشق بابتسامتها الساحرة الله يسلمك يا عمى 
تعبت نفسك ليه وجيبت الناس دى كلها منين 
فؤاد الأميرة عشق مستحيل تبات فى التراب دا كله 
وفى جميع الحالات كنا هنجيب اتصلت على مكتب عماله وطلبت منهم خدم والحمد لله اهو قربوا يخلصوا تنضيف ومن بكرة هيوصل الجنايني علشان الجنينه 
عشق يا حبيبي يا عمو ربنا ما يحرمني منك واقتربت منه وحضنته 
فؤاد يلا اطلعى اوضتك جاهزة غيرى هدومك وانزلى علشان نتعشي 
عشق حاضر بس ياريت حاجه خفيفه انا لسه شبعانه 
فؤاد تمام 
صعدت عشق إلى حجرتها فقد تركت تلك الفيلا وهى طفله تبلغ من العمر 8 سنوات وبعد مرور عشر سنوات عادت إليها تذكرت والدها كم كان بالنسبه لها البطل فى كل شئ الذى عوضها حرمانها من والدتها فقد ټوفيت بعد الولاده مباشرة تنهدت تنهيده طويله فلولا وجود عمها فؤاد وحنانه عليها 
لعاشت اسوء الظروف وخصوصا ان عمتها سميرة تعاملها بجفاء حتى ابنها علاء شاب مستهتر ولا يعتمد عليه أما عمها فؤاد دائما يقف بجانبها لم يتزوج واكتفى بالعنايه بها 
استبدلت ملابسها ونزلت الى الاسفل لتجد العشاء جاهز على الطاوله 
فؤاد يلا يا عشق اتأخرتى 
عشق آسفه يا عمووو وجلست لتناول العشاء 
بعد الانتهاء 
فؤاد استاذنك يا عشق اليوم كان طويل ومجهد هدخل انام وان احتجتى اى حاجه صحينى 
عشق ربنا ما يحرمني منك يا احلى فؤاد فى الدنيا 
تصبح على خير
فؤاد وانتى من اهل الخير يا حبيبه عموووو
صعدت عشق هى الأخرى إلى حجرتها وبدأت فى تفريغ الحقائب والشنط بالملابس الجديده 
ووضعها بالدولاب 
وفى اخر شنطه وجدت موبايل ولا تدرى لمن يكون 
عشق ايه اللى جاب الفون دا معايا يا ترى بتاع مين قامت بفتحه لتجد صورة لمى خلفيه شاشه الفون 
ابتسمت لجمال تلك الطفله 
ثم عبثت بملامحها كيف لهذه الطفله الرقيقه أن تكون ابنه ذلك الشخص المتعجرف 
انا لازم اتصل على اى رقم فيه علشان
الفون ارجعه
وفرصه