زوجتي The Nun بقلم سلمى

ميطلعش برا عشان محدش يقول عليا مچنون بس انا معجب بيكي من أول مرة شوفتك فيها.
بس بالله عليكي بلاش تاكليني استنى لما اتجوز الاول وأدخل دنيا.
قربت ووشها بقى قريب جدا من وشي فقولت ليها بهدوء عكس اللي جوايا
ماشي ماشي شكلك حلو رقيق تحفة. ومعجب بيكي كمان بس بالله عليكي ابعدي عني وبلاش تأذيني! بسم الله الرحمن الرحيم.
وهنا همستلي بصوت تقيل كأنه طالع من بير عميق
كداب وكلامك ده مش طالع من جوا قلبك عشان انا فعلا مش حلوة. وعارفة كويس أن كل الناس پتخاف مني ماهما طبعا لازم يخافوا مني.
أنا ساعتها قلت في سري
خلاص يا رب أكيد ده ذنب عامل البوفيه سامحنى يا عم حسين وابوس ايدك رجع دعوتك تاني وادعيلي دلوقتي أن العفريتة دي تختفي!
قلت وأنا ببلع ريقي بالعافية أنتي عايزه ايه مني
ضحكت بصوت مرعب وهي بتقرب منى أكتر وقالتلي
عايزه أتجوزك.
اتخرست للحظة وغمضت عنيا وفتحتها تاني لعلى وسعي تختفي وأكون بهلوس من تعب الشغل وقلت النوم.
لكن هي مختفتش ولسه واقفة قصادي فقلت ليها وأنا بضحك وبحاول أكون متماسك
على ما أعتقد مفيش مأذون للنوع ده من الجوازات وأنا مرضاش لنفسي أعمل حاجة حرام. ولا أنتي هترضيها لنفسك يا بنت الناس اللي مش طيبين فروحي شوفي عريس من الچحيم اللي انتي جايه منه.
ردت وهي بتقرب مني خطوة بخطوة
ما تقلقش المأذون جاهز من العالم التاني.
اتنهدت وقلت في سري
هو أنا ناقص هو انا قادر أتعامل مع البنات اللي من عالمنا عشان اعرف اتعامل مع عفريته.
قلتلها وأنا برجع لورا
طب معلش انتي متأكدة انك مش غلطانه في العريس ده انا ولا شكل ولا جسم ولا حتى معايا فلوس أجيب شقة. أنا يابنت الحلال مش مناسب ليكي و هظلمك معايا.
رددت بهدوء مرعب
لأ مش غلطانة وأنا مستعدة أعيش معاك جوا قبر متر في متر.
يامرارك الطافح يا معتز.
وساعتها النور قطع تانى والسلم بقى ضلمة كحل فسمعت خطواتها البطيئة اللي كانت بتقرب مني.
انتي مش پتخافي من الظلمة سألتها وانا بشغل كشاف الموبايل.
ردت ووشها ظهر فجاة قصاد نور الكشاف
أنا الضلمة ذات نفسها وهخدك معايا.
الډم نشف في عروقي لما مدت إيدها ولمست صدري وقالت
حاسس
قلت بصوت متقطع حاسس إن عمري هيخلص في اللحظة دي!
ضحكت ووشها قرب مني لحد ما بقيت حاسس نفسها البارد على وشي.
أنا مش هأذيك أنا عايزة أتجوزك بس.
قلت بسرعة تتجوزيني! طب ما نبدأ بحاجة بسيطة مثلا نتابع بعض على الفيس الأول
بصتلي بصة مرعبة كأن كلامي معجبهاش وبعدها قالت
وأنا the nun مليش في تضيع الوقت واي حاجة عايزها باخدها علطول وانا عايزاك وعايزه أتجوزك و اخلف منك.
تخلفي مني! وامصيبتاااه.
ايوه عايزه أجيب ولاد كتير.
همست لنفسي يا ليلة بيضة أكيد عايزه تاكلهم حاولت أهرب من قصادها بس رجلي ما كانتش