أنا بشتغل في البيوت

خلصنا قال
احكي يا بنتي
فحكيتله على كل اللي حصل وعرفت منه انه يعرف صفاء وانها شغاله في فتح المندل
روقال لي ان الخدمه اللي عقدهالي هي اللي خلت صفاء ماتعرفش تستجوب قريني لما رجعنا من المولد وان نفس الخدمة هي اللي منعت خادم الطلسم اللي منقوش ع العباية من انه يسكني فصبرت صفاء يمكن يقدر يسكني وانا نايمه
ولما سمعت صوتي في نص الليل وانا پصرخ افتكرت ان خادم الطلسم اللي منقوش على العبايه سكن جسمي خلاص لكن اكتشفت لما دخلت عليا ان اعتقادها طلع غلط فحاولت تقتلني وقت ما كان حد من خدامها معاها لكن الخادم اللي عقدهولي هو اللي دافع عني لغاية ما هربت وبعدها قتلوه خدام صفاء اللي استدعتهم
فسألته وانا حاسه اني ماعدتش فاهمه اي حاجه
إشمعنا انا اللي اشباح البنات شافوني واشمعنا انا اللي انت ساعدتني
فرد وعينيه زايغه انا حاولت اساعد اكتر من بنت من اللي كنت بشوفهم معاها كل مولد عشان كنت ببقى عارف مصيرهم لكن مافيش ولا واحده منهم قدرت تستقبل الخدمة وزي ما قلت لك ډم الزوهريين بيجري في عروقك امك فاطمة كانت زوهريه قريت دا لما شفتك وعشان كدة انتي من افضل الناس اللي تنفع وسيط بين العالمين ويمكن عشان كده صفاء ماقدرتش توصلك لغاية دلوقتي من بعد ما هربتي منها اما بخصوص انك شفتي اشباح البنات فالخدمة لما كانت معاكي هي اللي سهلت عليكي تكشفي الحجب لأول مره ومن بعدها واحده واحده هيبقى سهل عليكي تكشفيها
طب واللي انا فيه دلوقتي!!
ساعتها بص حواليه وقال
هيفضلوا وراكي ومش هيسيبوكي سواء صفاء او ارواح البنات المغدورة صفاء اكيد اتأكدت انك زوهريه دلوقتي ودا معناه انك جايزه كبيرة 
اما البنات فدول هيفضلوا بردو وراكي لانهم مش قادرين عليها لوحدهم
طب والعمل
مش عارف يا بنتي انا راجل في ارذل العمر ومش خاېف منها 
فكنت ساعتها مش قادره أفكر في أي حاجه
عايزه اهرب 
اهرب بعيد 
لكن مش عارفه ههرب لفين ولغاية امتى
فسألته
فساعتها كانت اول مره أحس پخوف في نظراته لما بدأت أتكلم بجد ان احنا عايزين نخد خطوه فقالهي اكيد بتسيب خدام في غرفتها الملعۏنة اللي انتي حكيتي عليها لكن 
لكن ايه
ونقدر نستدعي الخدام دول امتى
ساعتها بدأت أحس إنه بدأ يتحمس لما قال
الليلة دي لو تحبي
فقلت
النهارده الجمعه وهي بتخرج كل حد في نفس الميعاد من العصر ماترجعش الا المغرب فاحنا ماقدمناش الا الليلة دي او الليلة الجايه
يبقى الليلة دي
وفي الليل لقيته جاب شمعه واحده حطها في نص أوضته وبعدها طفى النور وقعدنا قصاد بعض وفي وسطنا الشمعه وفضل ساعتها يردد
احضروا لخدمتها واستدعوا من تقدرون بحق العهود السبعه وخدام الايام السبعه 
قعد يرددها تلات مرات وبعدها چرح كف ايدي واخد منه قطرات على ورقه منقوشه برسوم وكتابات